ബെംഗളൂരു∙ അപമര്യാദയായി പെരുമാറിയെന്ന യാത്രക്കാരിയുടെ പരാതിയിൽ മൂന്ന് എയർ ഏഷ്യ വിമാന ജീവനക്കാർക്കെതിരെ കേസെടുത്തു. വിമാനത്തിൽ നിന്ന് ഇറങ്ങി ടെർമിനലിലേക്കു പോകുന്നതിനിടെ പിന്നാലെ വന്നു ശല്യം ചെയ്തെന്നും മോശമായ രീതിയിൽ സംസാരിച്ചു കടന്നുപിടിക്കാൻ ശ്രമിച്ചെന്നുമാണ് ഇരുപത്തിയെട്ടുകാരിയുടെ പരാതി.
നവംബർ മൂന്നിനു വൈകിട്ട് റാഞ്ചിയിൽ നിന്നു ബെംഗളൂരുവിലേക്കു വന്ന വിമാനത്തിലെ യാത്രക്കാരിയാണ് പരാതിക്കാരി. അർധരാത്രി കെംപഗൗഡ വിമാനത്താവളത്തിലുണ്ടായ സംഭവത്തിൽ കഴിഞ്ഞ ദിവസമാണു പരാതി നൽകിയത്. എന്നാൽ വിമാനത്തിനകത്ത് മൊബൈൽ ഫോൺ ഉപയോഗിച്ചതു സുരക്ഷയുടെ പേരിൽ വിലക്കിയപ്പോൾ ജീവനക്കാരനോട് മോശമായ ഭാഷയിൽ സംസാരിച്ചുവെന്നാണ് എയർലൈൻ അധികൃതർ കേന്ദ്ര വ്യോമയാന മന്ത്രാലയത്തിനു നൽകിയ വിശദീകരണത്തിൽ പറയുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
